eCosway

   ﺑﯩﺮ ﺩﯙﻟﻪﺕ ﯞﻩ ﺑﯩﺮ ﻣﯩﻠﻠﻪﺕ ﺋﯜﭼﯜﻥ ﺋﯩﻘﺘﯩﺴﺎﺩﯨﻲ ﻣﻪﺩﻩﻧﯩﻴﻪﺕ ﺋﯧﯖﻰ ﺷﯘ ﺩﯙﻟﻪﺕ ﯞﻩ ﺷﯘ ﻣﯩﻠﻠﻪﺗﻨﯩﯔ ﺋﯘﻧﯩﯟﯦﺮﺳﺎﻝ ﻣﻪﺩﻩﻧﯩﻴﯩﺘﻰ ﺋﯩﭽﯩﺪﯨﻜﻰ ﺋﻪﯓ ﻣﯘھﯩﻢ ﺗﻪﺭﻛﯩﺐ . ﺋﻪﮔﻪﺭ ﺋﯩﻘﺘﯩﺴﺎﺩ ﺗﻪﺭﻩﻗﻘﯩﻲ ﻗﯩﻠﻤﯩﺴﺎ ﻣﻪﻧﯩﯟﻯ ﻣﻪﺩﻩﻧﯩﻴﻪﺗﺘﯩﻦ ﺳﯚﺯ ﺋﺎﭼﻘﯩﻠﻰ ﺑﻮﻟﻤﯩﻐﯩﻨﯩﻐﺎ ﺋﻮﺧﺸﺎﺵ ، ﻣﻪﻧﯩﯟﻯ ﻣﻪﺩﻩﻧﯩﻴﻪﺗﺘﯩﻦ ﺋﺎﻳﺮﯨﻠﻐﺎﻥ ﺋﯩﻘﺘﯩﺴﺎﺩﻣﯘ ﺋﯘﻧﯩﯟﯦﺮﺳﺎﻝ ﺳﺎﭘﺎﻏﺎ ﺋﯩﺠﺎﺑﯩﻲ ﺗﻪﺳﯩﺮ ﻛﯚﺭﺳﯩﺘﻪﻟﻤﻪﻳﺪۇ ، ﺷﯘﻧﺪﺍﻗﻼ ﻳﯩﺮﺍﻕ ﻣﻪﺯﮔﯩﻠﻠﯩﻚ ﺋﯩﻠﻤﯩﻲ ﺗﻪﺭﻩﻗﻘﯩﻴﺎﺕ ﻳﻮﻟﯩﻨﻰ ﺗﺎﭘﺎﻟﻤﺎﻳﺪﯗ .

  ﺋﯧﻠﯩﻤﯩﺰﺩﻩ ﺋﯩﻘﺘﯩﺴﺎﺩﯨﻲ ﺗﯜﺯﯛﻟﻤﻪ ﺳﯩﻴﺎﺳﯩﺘﻰ ﻳﯜﺭﮔﯜﺯﯛﻟﯜﭖ ، ﺑﺎﺯﺍﺭ ﺋﯩﮕﯩﻠﯩﻜﻰ ﻳﻮﻟﻐﺎ ﻗﻮﻳﯘﻟﻐﺎﻧﺪﯨﻦ ﻛﯧﻴﯩﻦ ﺋﺎﺟﺎﻳﯩﭗ ﺋﯩﻘﺘﯩﺴﺎﺩﯨﻲ ﮔﯜﻟﻠﯩﻨﯩﺶ ﯞﻩﺯﯨﻴﯩﺘﻰ ﺷﻪﻛﯩﻠﻠﯩﻨﯩﺶ ﺑﯩﻠﻪﻥ ﺑﯩﺮﮔﻪ، ﻣﻪﺩﻩﻧﯩﻴﻪﺕ ﺟﻪھﻪﺗﺘﯩﻤﯘ ﻛﯚﺯﻧﻰ ﻗﺎﻣﺎﺷﺘﯘﺭﯨﺪﯨﻐﺎﻥ ﻣﻪﻧﺰﯨﺮﯨﻠﻪﺭ ﺑﺎﺭﻟﯩﻘﻘﺎ ﻛﻪﻟﺪﻯ . ﺑﯘﻧﯩﯖﻐﺎ ﺋﻪﮔﯩﺸﯩﭗ ﺯﻭﺭ ﺑﯩﺮ ﺗﯜﺭﻛﯜﻡ ﺋﯩﻘﺘﯩﺴﺎﺩﯨﻲ ھﻪﯞﻩﺳﻜﺎﺭﻻﺭ ﯞﻩ ﺋﯩﻘﺘﯩﺴﺎﺩ ﺋﯩﮕﯩﻠﯩﺮﻯ- ﻛﺎﺭﺧﺎﻧﯩﭽﯩﻼﺭ ﺑﺎﺭﻟﯩﻘﻘﺎ ﻛﻪﻟﺪﻯ. ﺑﯘ ھﺎﻝ ﻛﯩﺸﯩﻨﻰ ﺧﯘﺷﺎﻝ ﻗﯩﻠﺴﯩﻤﯘ، ﺑﯩﺮ ﻗﯩﺴﯩﻢ ﺋﻪھﯟﺍﻟﻼﺭ ﻛﯚﯕﯜﻟﻨﻰ ﻏﻪﺵ ﻗﯩﻠﯩﺪﯗ. ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﺩﯙﻟﯩﺘﯩﻤﯩﺰﺩﻩ ﺋﯩﺸﻠﻪﻧﮕﻪﻥ ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﻟﯩﺮﯨﺪﺍ ﺋﯩﮕﯩﻠﯩﻚ ﺗﯩﻜﻠﻪﭖ ﺷﯩﺮﻛﻪﺕ ﻗﯘﺭﻏﺎﻥ ﺋﯩﻘﺘﯩﺴﺎﺩﯨﻲ ﺗﯩﭙﻼﺭ ﺩﻩﺳﻠﻪﭘﺘﻪ ﺩﯗﺭﯗﺱ ﺋﺎﺩﻩﻡ ﻗﯩﻠﯩﭗ ﺗﻪﺳﯟﯨﺮﻟﻪﻧﮕﻪﻥ ﺑﻮﻟﺴﺎ، ﺋﯩﮕﯩﻠﯩﻜﻰ ﮔﯜﻟﻠﯩﻨﯩﭗ، ﺗﻪﺳﯩﺮﻯ ﭼﻮﯕﺎﻳﻐﺎﻧﺴﯧﺮﻯ ھﻪﺩﺩﯨﺪﯨﻦ ﺋﺎﺷﻘﺎﻥ، ﻗﺎﻧﯘﻥ- ﺗﯜﺯﯛﻣﻨﻰ ﻛﯚﺯﮔﻪ ﺋﯩﻠﻤﺎﻳﺪﯨﻐﺎﻥ، ﺑﺎﺝ ﺋﻮﻏﺮﯨﻼﭖ ﺩﯙﻟﻪﺗﻜﻪ ﺯﯨﻴﺎﻥ ﺳﺎﻟﯩﺪﯨﻐﺎﻥ، ﺋﻪﺗﻜﻪﺳﭽﯩﻠﯩﻚ ﻗﯩﻠﯩﭗ ﺑﺎﺯﺍﺭ ﺗﻪﺭﺗﯩﭙﯩﻨﻰ ﺑﯘﺯﻏﺎﻥ ﻗﯩﻠﯩﭗ ﺗﻪﺳﯟﯨﺮﻟﯩﻨﯩﭗ ، ﺑﯩﺮ ﺗﻮﭖ ﺟﯩﻨﺎﻳﻪﺗﭽﯩﮕﻪ ﺋﺎﻳﻼﻧﺪﯗﺭﯗﯞﯦﺘﯩﻠﯩﯟﺍﺗﯩﺪﯗ. ﺑﯘﻧﻰ ﻛﯚﺭﮔﻪﻥ ھﻪﺭ ﻗﺎﻧﺪﺍﻕ ﻛﯩﺸﯩﻨﯩﯔ ﻛﯚﯕﻠﻰ ﻏﻪﺵ ﺑﯘﻟﯩﺪﯗ.

  ﺋﻪﮔﻪﺭ ﻣﺎﺩﺩﯨﻲ ﻣﻪﺩﻩﻧﯩﻴﻪﺕ ﺗﻪﺭﻩﻗﻘﯩﻲ ﻗﯩﻠﻤﯩﺴﺎ، ﻣﻪﻧﯩﯟﻯ ﻣﻪﺩﻩﻧﯩﻴﻪﺗﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﻗﯘﺭﯗﻕ ﮔﻪﭖ ﺑﻮﻟﯘﭖ ﻗﺎﻟﯩﺪﯗ. ﭼﯜﻧﻜﻰ ، ﺑﯩﺰ ھﻪﻣﻤﯩﻤﯩﺰ ﺋﺎﻏﺰﯨﻤﯩﺰﺩﺍ ﻣﻪﻧﯩﯟﻯ ﻣﻪﺩﻩﻧﯩﻴﻪﺗﻨﻰ ﮔﯜﻟﻠﻪﻧﺪﯛﺭﯨﻤﯩﺰ ﺩﯦﮕﯩﻨﯩﻤﯩﺰ ﺑﯩﻠﻪﻥ ، ﺋﻪﻣﻪﻟﯩﻴﻪﺗﺘﻪ ﻣﻪﻧﯩﯟﻯ ﻣﻪﺩﻩﻧﯩﻴﻪﺗﻜﻪ ﭘﯘﻝ ﺧﻪﺟﻠﻪﺷﻜﻪ ﺋﺎﻧﭽﻪ ﻛﻪﯓ ﻗﻮﺭﺳﺎﻕ ﺑﻮﻻﻟﻤﯩﺪﯗﻕ ، ﺷﯘ ﺳﻪﯞﻩﺑﺘﯩﻦ ﻣﻪﻧﯩﯟﻯ ﻣﻪﺩﻩﻧﯩﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﯩﻼﺭﻧﯩﯔ ﻛﯜﻧﯩﻤﯘ ﺋﺎﻧﭽﻪ ﻳﺎﺧﺸﻰ ﺑﻮﻟﻤﺎﻱ ﻛﻪﻟﺪﻯ. ﻣﻪﺳﯩﻠﻪﻥ: ﺑﯩﺮ ﻗﯩﺴﯩﻢ ﻳﻪﺭﻟﯩﻚ ﺋﻪﺩﻩﺑﯩﻲ ﮊﯗﺭﻧﺎﻟﻼﺭ ﺑﺎﺳﻤﺎ ھﻪﻗﻘﻰ، ﻗﻪﻟﻪﻡ ھﻪﻗﻘﻰ ﺩﯦﮕﻪﻧﻠﻪﺭﮔﻪ ﭘﯘﻝ ﺗﺎﭘﺎﻟﻤﺎﻱ ﺑﯧﺸﻰ ﻗﺎﺗﻤﺎﻗﺘﺎ، ﺑﯩﺮﻩﺭ ﺋﯩﻠﻤﯩﻲ ﻣﯘھﺎﻛﯩﻤﻪ ﻳﯩﻐﯩﻨﻰ ﺋﺎﭼﻤﺎﻗﭽﻰ ﺑﻮﻟﺴﺎ، ﭘﯘﻝ ﺗﺎﭘﺎﻟﻤﺎﻱ، ﺋﯘﻻﺭ ﺑﻮﻳﯘﻥ ﻗﯩﺴﻤﯩﻐﺎﻥ ﺋﯩﺪﺍﺭﻩ ﺑﺎﺷﻠﯩﻘﻠﯩﺮﻯ، ﺷﯩﺮﻛﻪﺕ ﺧﻮﺟﺎﻳﯩﻨﻠﯩﺮﻯ ﻗﺎﻟﻤﺎﻳﺪﯗ. ﻣﺎﻧﺎ ﺑﯘ ھﺎﻝ ﺋﯩﻘﺘﯩﺴﺎﺩﭼﯩﻼﺭ ﺑﯩﻠﻪﻥ ﻣﻪﻧﯩﯟﻯ ﻣﻪﺩﻩﻧﯩﻴﻪﺗﭽﯩﻠﻪﺭ ﺋﻮﺗﺘﯘﺭﺳﯩﺪﺍ ﺑﯩﺮ ﺧﯩﻞ ﻗﺎﺭﺍﯕﻐﯘ ﺋﺎﺭﯨﻠﯩﻘﻨﻰ ﺷﻪﻛﯩﻠﻠﻪﻧﺪﯛﺭﺩﻯ. ﺷﯘﻧﯩﯔ ﺑﯩﻠﻪﻥ، ﻣﻪﻧﯩﯟﻯ ﻣﻪﺩﻩﻧﯩﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﯩﻼﺭﻧﯩﯔ، ﺑﻮﻟﯘﭘﻤﯘ ﺋﻪﺩﯨﺒﻠﻪﺭﻧﯩﯔ ﻗﻪﻟﺒﯩﺪﻩ ﭘﯘﻟﻰ ﺑﺎﺭﻻﺭﻏﺎ ﻧﯩﺴﺒﻪﺗﻪﻥ ﻧﺎﻣﺴﯩﺰ «ﺭﻩﻗﯩﺐ» ﭘﻪﻳﺪﺍ ﻗﯩﻠﯩﻨﺪﻯ، ﻧﻪﺗﯩﺠﯩﺪﻩ ﺋﯘﻻﺭﻧﯩﯔ ﻗﻪﻟﯩﻤﻰ ﺋﺎﺳﺘﯩﺪﯨﻜﻰ ﭘﯘﻟﺪﺍﺭﻻﺭ ﻛﯚﺯ ﺑﻮﻳﺎﻣﭽﻰ، ﻧﯩﻴﯩﺘﻰ ﻗﺎﺭﺍ، ھﻪﺗﺘﺎ ﺩﯙﻟﻪﺕ ﯞﻩ ﺧﻪﻟﻘﻨﯩﯔ ﺩﯛﺷﻤﯩﻨﻰ ﻗﯩﻠﯩﭗ ﺗﻪﺳﯟﯨﺮﻟﻪﻧﺪﻯ.

  ﺋﯘﻧﺪﺍﻕ ﺑﻮﻟﺴﺎ ، ﺋﯩﮕﯩﻠﯩﻚ ﻳﺎﺭﺍﺗﻘﺎﻥ ﭘﯘﻟﺪﺍﺭﻻﺭﺩﺍ ھﯧﭽﻘﺎﻧﺪﺍﻕ ﻣﻪﺳﯩﻠﻪ ﻳﻮﻗﻤﯘ؟ ﺋﻪﻟﯟﻩﺗﺘﻪ ھﻪﺭﻗﺎﻧﺪﺍﻕ ﺋﺎﺩﻩﻣﺪﻩ ﻣﻪﺳﯩﻠﻪ ﻣﻪﯞﺟﯘﺕ . ﺑﯩﺮ ﻗﯩﺴﯩﻢ ﭘﯘﻟﺪﺍﺭﻻﺭﺩﺍ ﭘﯘﻝ ﺗﯧﭙﯩﺸﻘﺎ ﻳﻪﺗﻜﯜﺩﻩﻙ ﺋﻪﻗﯩﻞ- ﭘﺎﺭﺍﺳﻪﺕ ﺑﺎﺭ، ﺋﻪﻣﻤﺎ ﺋﯩﮕﯩﻠﯩﻜﻨﻰ ﻗﺎﻧﺪﺍﻕ ﺋﯩﻠﻤﯩﻴﻼﺷﺘﯘﺭﯗﺷﻘﺎ ، ﺋﻮﺑﻮﺭﻭﺗﻨﻰ ﻗﺎﻧﺪﺍﻕ ﺋﺎﻳﻼﻧﺪﯗﺭﯗﺷﻘﺎ ، ﺗﺎﭘﻘﺎﻥ ﭘﯘﻟﻼﺭﻧﻰ ﻗﺎﻧﺪﺍﻕ ﺑﯩﺮ ﺗﻪﺭﻩﭖ ﻗﯩﻠﯩﭗ ، ﻗﺎﻧﺪﺍﻕ ﺋﯩﺸﻠﯩﺘﯩﺸﻜﻪ ﻳﻪﺗﻜﯜﺩﻩﻙ ﺋﯩﻘﺘﯩﺴﺎﺩﯨﻲ ﻣﻪﺩﻩﻧﯩﻴﻪﺕ ﺋﯧﯖﻰ ﻛﻪﻣﭽﯩﻞ . ﺋﯘﻧﯩﯟﯦﺮﺳﺎﻝ ﺳﺎﭘﺎﺳﻰ ﺗﯚﯞﻩﻥ ، ھﻪﺗﺘﺎ ﺋﯘﻻﺭﻧﯩﯔ ﺑﻪﺯﯨﻠﯩﺮﻯ ﺋﯚﺯﻯ ﺗﺎﭘﻘﺎﻥ ﭘﯘﻟﻐﺎ ﺧﻮﺟﺎﻳﯩﻦ ﺑﻮﻟﯘﺷﻨﯩﯔ ﺋﻮﺭﻧﯩﻐﺎ ، ﭘﯘﻟﻨﯩﯔ ﻗﯘﻟﯩﻐﺎ ﺋﺎﻳﻠﯩﻨﯩﭗ ﻗﺎﻟﻐﺎﻥ . ﺋﯘﻧﺪﺍﻕ ﻛﯩﺸﯩﻠﻪﺭﮔﻪ ﺑﯩﺮ ﻗﺎﺭﯨﺴﯩﯖﯩﺰ ، ﺑﯘ ﺩﯗﻧﻴﺎﺩﺍ ﭘﯘﻟﯩﺪﯨﻦ ﺑﺎﺷﻘﺎ ھﯧﭽﻨﯧﻤﯩﺴﻰ ﻳﻮﻗﺘﻪﻙ ﻛﯚﺭﯛﻧﯩﺪﯗ . ﺩﯦﻤﯩﺴﯩﻤﯘ ﺑﯩﺰﻧﯩﯔ ﺑﯩﺮ ﻗﯩﺴﯩﻢ ﺋﯩﮕﯩﻠﯩﻚ ﻳﺎﺭﺍﺗﻘﯘﭼﯩﻠﯩﺮﯨﻤﯩﺰ ﺗﯚﺕ ﺗﺎﻝ ﭘﯘﻟﻨﯩﯔ ﺋﯩﮕﯩﺴﻰ ﺑﻮﻻ- ﺑﻮﻟﻤﺎﻳﻼ ﻛﯚﺭﻩﯕﻠﻪﭖ ﺗﯧﺮﯨﺴﯩﮕﻪ ﭘﺎﺗﻤﺎﻱ ﻗﺎﻟﯩﺪﯗ. ﭘﯘﻟﻰ ﻛﯚﭘﻪﻳﮕﻪﻧﺴﯧﺮﻯ ﺑﺎﻳﻼﺭﻏﺎ ﺧﺎﺱ ﺳﺎﻻﭘﻪﺕ ﺗﯩﻜﻠﻪﺷﻨﯩﯔ ﺋﻮﺭﻧﯩﻐﺎ، ﻧﯧﻤﻪ ﻗﯩﻠﯩﺸﯩﻨﻰ ﺑﯩﻠﻪﻟﻤﻪﻱ ﭼﺎﻛﯩﻨﯩﻠﯩﺸﯩﭗ ﻛﯧﺘﯩﺪﯗ. ﺋﺎﻟﺪﯨﻐﺎ ﺑﯩﺮ ﻣﯧﻴﯩﭗ ﺑﯩﭽﺎﺭﻩ ﻛﻪﻟﺴﻪ، ﺑﯩﺮ ﺳﻮﻡ ﺑﯧﺮﯨﺸﻜﻪ ﻛﯚﺯﻯ ﻗﯩﻴﻤﺎﻳﺪﯗ-ﻳﯘ، ﺭﯦﺴﺘﻮﺭﺍﻧﻼﺭﺩﺍ ﺳﯚﻟﻪﺗﯟﺍﺯﻟﯩﻖ ﻗﯩﻠﯩﭗ ﻧﻪﭼﭽﻪ ﻣﯩﯔ ﺳﻮﻣﻠﯘﻕ ھﺎﺭﺍﻗﻼﺭﻧﻰ ﺋﯩﭽﯩﭗ، ﺑﯩﺮ ﺗﺎﻻﻱ ﻗﻮﺭﯗﻣﯩﻼﺭﻧﻰ ﺋﯩﺴﺮﺍﭖ ﻗﯩﻠﯩﺸﻘﺎ ﭼﯩﺪﺍﻳﺪﯗ. ھﻪﺗﺘﺎﻛﻰ، ﺑﯩﺮ ﻗﯩﺴﯩﻢ «ﺑﺎﻱ»ﻻﺭ ﭼﺎﻛﯩﻨﯩﻠﯩﻘﺘﺎ ﺷﯘ ﺩﻩﺭﯨﺠﯩﮕﻪ ﻳﻪﺗﻜﻪﻧﻜﻰ، ﺋﯘﻻﺭ ﺩﻭﺳﺖ- ﺑﯘﺭﺍﺩﻩﺭﻟﯩﺮﯨﻨﯩﯔ ﺋﺎﻟﺪﯨﺪﺍ 100 ﺳﻮﻣﻠﯘﻕ ﭘﯘﻝ ﺑﯩﻠﻪﻥ ﺗﺎﻣﺎﻛﺎ ﺗﯘﺗﺎﺷﺘﯘﺭﯗﭖ، ﺋﯚﺯﯨﻨﯩﯔ ﭘﯘﻟﺪﺍﺭ ﺋﯩﻜﻪﻧﻠﯩﻜﯩﻨﻰ ﻛﯚﺯ- ﻛﯚﺯ ﻗﯩﻠﯩﺸﯩﺪﯗ. ﺑﯘﻧﺪﺍﻕ «ﺑﺎﻱ»ﻻﺭﺩﺍ ﭘﯘﻝ ﺑﻮﻟﺴﯩﻤﯘ، ﺋﯩﻘﺘﯩﺴﺎﺩﯨﻲ ﻣﻪﺩﻩﻧﯩﻴﻪﺕ ﺋﯧﯖﻰ ﻳﻮﻕ. ﻗﻮﻟﯩﺪﯨﻜﻰ ﭘﯘﻟﯩﻐﺎ ﻻﻳﯩﻖ ﺋﯩﻨﺎﯞﻩﺕ- ﺋﺎﺑﺮﻭﻱ ﻳﻮﻕ. ﺋﯘﻻﺭ ﭘﻪﻗﻪﺕ ﭘﯘﻟﺪﯨﻜﻰ ﺳﺎﻧﻠﯩﻖ ﺭﻩﻗﻪﻣﻠﻪﺭﻧﯩﻼ ﺗﯘﻧﯘﻳﺎﻻﻳﺪﯗ، ﺋﻪﻣﻤﺎ ﺋﯘﻧﯩﯔ ﻗﯩﻤﻤﯩﺘﯩﻨﻰ ﺗﯘﻧﯘﻳﺎﻟﻤﺎﻳﺪﯗ. ﻗﻮﻟﯩﺪﯨﻜﻰ ﻗﻪﻏﻪﺯﻧﯩﻼ ﺗﻮﻧﯘﻳﺪﯗ، ﺋﻪﻣﻤﺎ ﺋﯘﻧﯩﯔ ﺋﻪﻣﻪﻟﯩﻲ ﻛﯜﭺ- ﻗﯘﺩﺭﯨﺘﯩﻨﻰ ھﯧﺲ ﻗﯩﻼﻟﻤﺎﻳﺪﯗ. ﻗﻮﻟﯩﺪﯨﻜﻰ ﭘﯘﻟﯩﻐﯩﻼ ﺋﯩﺸﯩﻨﯩﺪﯗ، ﺋﻪﻣﻤﺎ ﭘﯘﻟﺪﯨﻦ ﺑﺎﺷﻘﺎ ھﯧﭽﻨﻪﺭﺳﯩﮕﻪ ﺋﯩﺸﻪﻧﻤﻪﻳﺪﯗ. ﺷﯘﻧﯩﯔ ﺑﯩﻠﻪﻥ، ﺋﻪﯓ ﺋﺎﺧﯩﺮﺩﺍ ﺋﯚﺯﯨﻨﯩﯔ ﭘﯘﻟﯩﺪﯨﻦ ﺑﺎﺷﻘﺎ ھﯧﭽﻨﻪﺭﺳﯩﺴﻰ ﻳﻮﻗﻠﯩﻘﯩﻨﻰ ھﯧﺲ ﻗﯩﻠﯩﺪﯗ. ﺋﺎﻟﺪﯨﻐﺎ ﻗﺎﺭﯨﺴﺎ، ﺑﯩﺮ ﺗﺎﻻﻱ ﭘﯘﻟﻨﯩﯔ ﺋﯘﭼﯘﭖ ﻛﻪﺗﻜﻪﻧﻠﯩﻜﯩﻨﻰ، ﺋﺎﺭﻗﯩﺴﯩﻐﺎ ﻗﺎﺭﯨﺴﺎ ﺧﻪﺟﻠﯩﮕﻪﻥ ﭘﯘﻟﯩﺪﯨﻦ ھﯧﭽﻘﺎﻧﺪﺍﻕ ﺑﻪﻟﮕﻪ ﻗﺎﻟﻤﯩﻐﺎﻧﻠﯩﻘﯩﻨﻰ، ﺋﻪﻣﻪﻟﯩﻴﻪﺗﺘﻪ ﭘﯘﻟﻰ ﺑﺎﺭ «ﮔﺎﺩﺍﻱ»ﻏﺎ ﺋﺎﻳﻠﯩﻨﯩﭗ ﻗﺎﻟﻐﺎﻧﻠﯩﻘﯩﻨﻰ ھﯧﺲ ﻗﯩﻠﯩﺸﯩﺪﯗ. ﺗﺎﺭﯨﺨﺘﺎ ﺋﯚﺗﻜﻪﻥ ﻛﺎﺗﺘﺎ ﺑﺎﻳﻠﯩﺮﯨﻤﯩﺰﺩﯨﻦ ﻣﯘﺳﺎﺑﺎﻱ، ﺋﯚﻣﻪﺭﺑﺎﻱ ھﺎﺟﻰ، ﺋﺎﻳﺨﺎﻥ ﺋﺎﻧﺎ، ﺋﺎﻛﺎ- ﺋﯘﻛﺎ ھﯜﺳﻪﻳﯩﻨﺒﺎﻱ، ﺑﺎﯞﯗﺩﯗﻧﺒﺎﻱ ﻗﺎﺗﺎﺭﻟﯩﻘﻼﺭ ﻧﯧﻤﻪ ﺋﯜﭼﯜﻥ ھﺎﺯﯨﺮﻣﯘ ﻛﯩﺸﯩﻠﻪﺭ ﻗﻪﻟﺒﯩﺪﻩ ھﺎﻳﺎﺕ ﻳﺎﺷﺎﭖ، ھﯚﺭﻣﻪﺗﻜﻪ ﺳﺎﺯﺍﯞﻩﺭ ﺑﻮﻻﻟﯩﺪﻯ؟ ﺋﯘ ﺯﺍﻣﺎﻧﺪﺍ ﺋﯘﻻﺭﺩﯨﻦ ﺑﺎﺷﻘﺎ ﭼﻮﯓ ﺑﺎﻳﻼﺭ ﻳﻮﻗﻤﯩﺪﻯ؟ ھﻪﺭﮔﯩﺰ ﺋﯘﻧﺪﺍﻕ ﺋﻪﻣﻪﺱ، ﺑﯘ ﻣﯩﻠﻠﻪﺗﭙﻪﺭﯞﻩﺭ ﺑﺎﻳﻼﺭ ﭘﯘﻟﻨﻰ ﺋﻪھﻤﯩﻴﻪﺗﻠﯩﻚ ﺋﯩﺸﻘﺎ ﺋﯩﺸﻠﻪﺗﻜﻪﭼﻜﻪ ﺋﯚﺯﻯ ﯞﻩ ﭘﯘﻟﻰ ﺗﯜﮔﯩﺴﯩﻤﯘ، ﺋﯘﻟﯘﻍ ﻧﺎﻣﻰ ﺗﺎﺭﯨﺨﺘﺎ ﻣﻪﯕﮕﯜﻟﯜﻙ ﻣﯚھﯜﺭ ﺋﯩﺰﯨﺪﻩﻙ ﻗﻪﺩﯨﺮﻟﯩﻨﯩﭗ ﺳﺎﻗﻼﻧﺪﻯ. ﺑﺎﻳﻠﯩﻘﯩﻨﻰ ﺋﯚﺯ ﻧﻪﭘﺴﯩﺪﯨﻦ ﺋﺎﺷﯘﺭﺍﻟﻤﯩﻐﺎﻧﻼﺭﻧﯩﯔ ﺑﻮﻟﺴﺎ ھﻪﻣﻤﻪ ﻧﻪﺭﺳﯩﺴﻰ ﺋﯚﻣﺮﻯ ﺑﯩﻠﻪﻥ ﺗﻪﯓ ﺋﺎﺧﯩﺮﻻﺷﺘﻰ. ھﺎﺯﯨﺮﻗﻰ ﺯﺍﻣﺎﻧﺪﯨﻜﻰ ﺑﺎﻳﻠﯩﺮﯨﻤﯩﺰﺩﯨﻦ ﻏﯘﻟﺠﯩﺪﯨﻜﻰ ﻧﯘﺭﺗﺎﻱ ھﺎﺟﯩﻢ، ﺋﯜﺭﯛﻣﭽﯩﺪﯨﻜﻰ ﺭﺍﺩﯨﻞ ﺋﺎﺑﻼ ﻗﺎﺗﺎﺭﻟﯩﻘﻼﺭ ﻣﻪﻳﻠﻰ ﺋﺎﺯ ﻳﺎﻛﻰ ﻛﯚﭖ ﺑﻮﻟﺴﯘﻥ، ﺗﺎﭘﻘﺎﻥ ﭘﯘﻟﯩﻨﯩﯔ ﺋﯧھﺘﯩﻴﺎﺟﯩﺪﯨﻦ ﺋﺎﺷﻘﯩﻨﯩﻨﻰ ﺧﻪﻳﺮﻟﯩﻚ ﺋﯩﺸﻼﺭﻏﺎ ﺧﻪﺟﻠﻪﭖ، ﺧﻪﻟﻘﯩﻤﯩﺰ ﻗﻪﻟﺒﯩﺪﻩ ﻛﺎﺗﺘﺎ ھﯚﺭﻣﻪﺗﻜﻪ ﺳﺎﺯﺍﯞﻩﺭ ﺑﻮﻟﺪﻯ.

  ﺑﯩﺮ ﺋﺎﺩﻩﻣﮕﻪ ﻧﯩﺴﺒﻪﺗﻪﻥ ﻳﺎﺷﺎﺵ ﯞﻩ ﺗﯘﺭﻣﯘﺵ ﻛﻪﭼﯜﺭﯛﺵ ﺋﯜﭼﯜﻥ ﭘﯘﻝ ﺑﻮﻟﻤﯩﺴﺎ ﺑﻮﻟﻤﺎﻳﺪﯗ ، ﺋﯩﻤﻜﺎﻥ ﺑﻮﻟﺴﺎ ﺋﺎﺯ ﺑﻮﻟﻐﯩﻨﯩﺪﯨﻦ ﻛﯚﭖ ﺑﻮﻟﻐﯩﻨﻰ ، ﻧﺎھﺎﻳﯩﺘﻰ ﻛﯚﭖ ﺑﻮﻟﻐﯩﻨﻰ ﺗﯧﺨﯩﻤﯘ ﻳﺎﺧﺸﻰ ، ﺋﻪﻣﻤﺎ ﭘﯘﻟﻨﯩﯔ ﺋﯚﺯﻯ ﺟﺎﻧﺴﯩﺰ ، ھﯧﺴﺴﯩﻴﺎﺗﺴﯩﺰ ﻧﻪﺭﺳﻪ ، ﺋﯘﻧﯩﯔ ﻳﯜﺯﻯ ﺋﯩﻜﻜﻰ، ﺋﯘﻧﯩﯖﺪﺍ ھﯧﭽﻘﺎﻧﺪﺍﻕ ﺋﯧﺘﯩﻘﺎﺩ ، ﺋﻪﻗﯩﺪﻩ ﺋﯧﯖﻰ ﻳﻮﻕ . ﺋﯘ ﺑﯜﮔﯜﻥ ﺳﯧﻨﯩﯔ ﻗﻮﻟﯘﯕﺪﺍ ﺑﻮﻟﺴﺎ ، ﺋﻪﺗﻪ ﺋﯘﻧﯩﯔ ﻗﻮﻟﯩﺪﺍ ﺑﻮﻟﯘﺷﻰ ﻣﯘﻣﻜﯩﻦ . ﭘﯘﻟﻐﺎ ھﻪﺷﻪﻣﻪﺗﻠﯩﻚ ﺳﺎﺭﺍﻳﻼﺭﻧﻰ ﺳﺎﻟﺪﯗﺭﻏﯩﻠﻰ ، ﻗﯘﺩﺭﻩﺗﻠﯩﻚ ﻗﻮﺭﺍﻟﻼﺭﻧﻰ ، ﺋﻪﻗﯩﺪﯨﺴﯩﺰ «ﺋﺎﺩﻩﻡ»ﻟﻪﺭﻧﻰ، ﺧﯘﺷﺎﻣﻪﺕ- ﺗﻪﺯﯨﻤﻠﻪﺭﻧﻰ… ﺳﯧﺘﯩﯟﺍﻟﻐﯩﻠﻰ ﺑﻮﻟﯩﺪﯗ ، ﺋﻪﻣﻤﺎ ھﻪﻗﯩﻘﯩﻲ ھﯚﺭﻣﻪﺕ- ﺋﯩﺨﻼﺳﻨﻰ ، ﭼﯩﻦ ﺩﻭﺳﺘﻠﯘﻗﻨﻰ ، ﻣﯧھﯩﺮ- ﯞﺍﭘﺎﻧﻰ ، ﭘﺎﻙ ﻣﯘھﻪﺑﺒﻪﺗﻨﻰ ، ﻗﯧﺮﯨﻨﺪﺍﺷﻨﻰ ، ﺟﺎﻥ- ﺟﯩﮕﻪﺭﻟﻪﺭﻧﻰ ، ﺋﯚﺯﯨﻨﻰ ﺋﯚﺯﻯ ھﻪﻗﯩﻘﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ، ﺋﻪﻗﯩﻞ- ﭘﺎﺭﺍﺳﻪﺕ ﯞﻩ ﺑﯩﻠﯩﻤﻨﻰ ، ﺧﺎﺗﯩﺮﺟﻪﻣﻠﯩﻜﻨﻰ ﺳﯧﺘﯩﯟﺍﻟﻐﯩﻠﻰ ﺑﻮﻻﻣﺪﯗ ؟ ! ﺩﯦﻤﻪﻙ ، ﭘﯘﻝ ﺗﺎﭘﻘﺎﻧﻼﺭ ﭘﯘﻟﻨﻰ ﭼﯜﺷﯩﻨﯩﺶ ، ﭘﯘﻟﻨﻰ ﺋﯩﺸﻠﯩﺘﯩﺶ ﯞﻩ ﺑﺎﺷﻘﯘﺭﯗﺷﻨﻰ ، ﺋﯘﻧﯩﯔ ﻗﯩﻤﻤﯩﺘﯩﻨﻰ ، ﻛﯜﭺ- ﻗﯘﺩﺭﯨﺘﯩﻨﻰ ﺑﯩﻠﯩﺸﻰ ﺗﻮﻟﯩﻤﯘ ﺯﯙﺭﯛﺭ . ﺋﻪﮔﻪﺭ ﺋﯩﻘﺘﯩﺴﺎﺩﯨﻲ ﻣﻪﺩﻩﻧﯩﻴﻪﺕ ﺋﯧﯖﯩﻤﯩﺰ ﺑﻮﻟﻤﯩﺴﺎ ﻳﺎﻛﻰ ﺗﯚﯞﻩﻥ ﺑﻮﻟﺴﺎ ، ﻗﻮﻟﯩﻤﯩﺰﺩﯨﻜﻰ ﭘﯘﻝ ﺑﯩﺮ ﺗﯘﺗﺎﻡ ﺋﻪﺳﻜﻰ ﻗﻪﻏﻪﺯ ، ﺧﺎﻻﺱ .

  ﺗﯧﮕﻰ ﺗﻪﻛﺘﯩﺪﯨﻦ ﺋﺎﻟﻐﺎﻧﺪﺍ ، ﺋﯩﻘﺘﯩﺴﺎﺩ- ﻣﻪﺩﻩﻧﯩﻴﻪﺗﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻥ ﻣﯘھﯩﻢ ﺋﺎﻣﯩﻞ ، ﺑﯘ ﺋﯩﻜﻜﯩﺴﻰ ھﻪﺭﮔﯩﺰﻣﯘ ﺑﯩﺮ- ﺑﯩﺮﯨﮕﻪ ﺯﯨﺖ ﻛﺎﺗﯧﮕﻮﺭﯨﻴﻪ ﺋﻪﻣﻪﺱ . ﻣﻪﺩﻩﻧﯩﻴﻪﺕ ﺑﻮﻟﺴﺎ ﺋﯩﻘﺘﯩﺴﺎﺩ ﯞﻩ ﺋﯩﻘﺘﯩﺴﺎﺩ ﺋﯩﮕﯩﻠﯩﺮﯨﻨﯩﯔ ﺳﯜﭘﯩﺘﯩﻨﻰ ﺋﯚﺳﺘﯜﺭﯨﺪﯨﻐﺎﻥ ﻣﯘھﯩﻢ ﯞﺍﺳﯩﺘﻪ ، ﺋﯩﻘﺘﯩﺴﺎﺩ ﻣﻪﺩﻩﻧﯩﻴﻪﺗﻜﻪ ﻗﺎﺭﺍﭖ ﻳﯜﺯﻟﻪﻧﮕﻪﻧﺴﯧﺮﻯ ، ﻳﯩﺮﯨﻚ ھﺎﻟﻪﺗﺘﯩﻦ ﺋﯩﻠﻤﯩﻲ ﯞﻩ ﭼﺎﺗﻤﺎ ﺳﯩﺴﺘﯧﻤﺎ ھﺎﻟﯩﺘﯩﮕﻪ ﺋﯚﺗﯩﺪﯗ ، ﺑﯘ ﺋﯩﻘﺘﯩﺴﺎﺩﻧﯩﯔ ﻣﯘﻗﯩﻤﻠﯩﻘﯩﻨﻰ ، ﺧﻪﻟﻘﺌﺎﺭﺍﻟﯩﻘﯩﻨﻰ ﯞﻩ ﮔﻪﯞﺩﯨﻠﯩﺸﯩﺸﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ . ﻣﻪﺩﻩﻧﯩﻴﻪﺗﺘﯩﻦ ﺋﺎﻳﺮﯨﻠﻐﺎﻥ ﺋﯩﻘﺘﯩﺴﺎﺩ ﺋﯚﺯﯨﻨﯩﯔ ﻣﺎﺩﺩﯨﻲ ﻗﯩﻤﻤﯩﺘﯩﺪﯨﻦ ﻣﻪﯕﮕﯜ ﻣﻪﻧﯩﯟﻯ ﻗﯩﻤﻤﻪﺗﻜﻪ ﺋﯚﺗﻪﻟﻤﻪﻳﺪﯗ- ﺩﻩ ، ﺋﯚﺯﯨﻨﯩﯔ ﻣﻪﯞﺟﯘﺕ ﺑﻮﻟﻐﺎﻧﻠﯩﻘﯩﺪﯨﻦ ھﯧﭽﻘﺎﻧﺪﺍﻕ ﺋﯩﺰ ﻗﺎﻟﺪﯗﺭﺍﻟﻤﺎﻳﺪﯗ . ﻛﺎﺭﺧﺎﻧﯩﭽﯩﻼﺭ ﻧﯚﯞﻩﺗﺘﯩﻜﻰ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﻳﯜﺯﻟﯩﻨﯩﺸﯩﮕﻪ ﻣﺎﺳﻠﯩﺸﯩﺶ ، ﺯﺍﻣﺎﻧﯩﯟﻯ ﺭﯨﻘﺎﺑﻪﺕ ﺟﯧﯖﯩﮕﻪ ﺩﺍﺩﯨﻞ ﻳﯜﺯﻟﯩﻨﯩﺶ ، ﺋﯚﺯﯨﻨﻰ ﺋﯩﻠﻤﯩﻲ ﺟﻪھﻪﺗﺘﯩﻦ ﻛﯜﭼﻠﻪﻧﺪﯛﺭﯛﺵ ﺋﯜﭼﯜﻥ ﻣﻪﻧﯩﯟﯨﻴﻪﺕ ﺟﻪھﻪﺗﺘﯩﻜﻰ ﺳﺎﭘﺎﺳﯩﻨﻰ ﺋﯚﺳﺘﯜﺭﯛﺵ ﯞﻩ ﻳﯧﯖﯩﻼﺷﻘﺎ ﺋﻪھﻤﯩﻴﻪﺕ ﺑﯧﺮﯨﺸﻰ ﺗﻮﻟﯩﻤﯘ ﺯﯙﺭﯛﺭ . ﻣﻪﻧﯩﯟﻯ ﺋﻪﻣﮕﻪﻙ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﯩﻼﺭﻣﯘ ﺋﯩﻘﺘﯩﺴﺎﺩ ﺋﯩﮕﯩﻠﯩﺮﯨﻨﻰ ﻛﻪﯓ ﻗﻮﺭﺳﺎﻗﻠﯩﻖ ﺑﯩﻠﻪﻥ ﺋﯩﻠﻤﯩﻲ ﻳﻮﻟﻐﺎ ﻳﯧﺘﻪﻛﻠﯩﺸﻰ ، ﻳﯩﺮﯨﻚ ﺋﯩﺪﯨﻴﯩﯟﻯ ھﺎﻟﻪﺗﺘﻪ ﺳﺎﺩﯨﺮ ﻗﯩﻠﻐﺎﻥ ﺳﺎﭘﺎﺳﯩﺰ ﻗﯩﻠﻤﯩﺸﻠﯩﺮﯨﻨﻰ ﺋﻪﭘﯘ ﻗﯩﻠﯩﺸﻘﺎ ﺗﯩﺮﯨﺸﯩﺸﻰ ﺯﯙﺭﯛﺭ .

ﺑﯩﺰﺩﻩ : «ﺋﯧﻐﯩﻠﺪﯨﻜﻰ ﻣﻮﺯﺍﻱ ﺋﯘﻱ ﺑﻮﻟﻤﺎﭘﺘﯘ» ﺩﯦﮕﻪﻥ ﮔﻪﭖ ﺑﻮﻟﻐﯩﻨﯩﻐﺎ ﺋﻮﺧﺸﺎﺵ ، ﺋﯚﺯ ﺋﻪﺗﺮﺍﭘﯩﻤﯩﺰﺩﯨﻜﻰ ﺑﺎﻳﻼﺭﻧﻰ ﺳﻪﻝ ﭼﺎﻏﻼﻳﺪﯨﻐﺎﻥ ﺧﺎھﯩﺸﻼﺭﻣﯘ ﻳﻮﻕ ﺋﻪﻣﻪﺱ . ﺑﯘ ، ﺋﻪﻣﻪﻟﯩﻴﻪﺗﺘﻪ ﺋﯚﺯ ﭘﺴﯩﺨﯩﻜﯩﻤﯩﺰﺩﯨﻜﻰ «ﺋﯚﺯﯨﮕﻪ ﺋﯩﺸﻪﻧﻤﻪﺳﻠﯩﻚ» ﺋﺎﺟﯩﺰﻟﯩﻘﯩﻨﯩﯔ ﻛﯚﻟﻪﯕﮕﯩﺴﻰ . ﺑﯩﺰﻧﯩﯔ ﺋﻪﺗﺮﺍﭘﯩﻤﯩﺰﺩﯨﻤﯘ ﻧﺎھﺎﻳﯩﺘﻰ ﺋﯘﻟﯘﻏﯟﺍﺭ ﻏﺎﻳﯩﮕﻪ ﺋﯩﮕﻪ ، ﻳﯩﺮﺍﻗﻘﺎ ﺗﯘﺗﺎﺷﻘﺎﻥ ﭼﺎﺗﻤﺎ ﭘﯩﻼﻧﻼﺭﻧﻰ ﺗﯜﺯﯛﯞﺍﺗﻘﺎﻥ ﺋﻮﺕ ﻳﯜﺭﻩﻙ ﺑﺎﻳﻼﺭ ﺑﺎﺭ . ﺋﯘﻻﺭ ﺋﯚﺯ ﺗﻪﻗﺪﯨﺮﯨﻨﻰ ﯞﻩﺗﻪﻥ ، ﻣﯩﻠﻠﻪﺗﻨﯩﯔ ﺗﻪﻗﺪﯨﺮﻯ ﺑﯩﻠﻪﻥ ﭼﯧﺘﯩﭗ ، ﺋﻮﺭﺗﺎﻕ ﮔﯜﻟﻠﯩﻨﯩﺸﻨﯩﯔ ﻳﻮﻟﻠﯩﺮﻯ ﺋﯜﺳﺘﯩﺪﻩ ﺋﯩﺰﺩﻩﻧﻤﻪﻛﺘﻪ . ﺷﯘﯕﺎ ، ﺑﯩﺰ ﺋﯚﺯ ﺋﯩﭽﯩﻤﯩﺰﺩﯨﻦ ﭼﯩﻘﻘﺎﻥ ﺋﯩﮕﯩﻠﯩﻚ ﻳﺎﺭﺍﺗﻘﯘﭼﯩﻼﺭﻧﻰ ﻗﻮﻟﻼﻳﻠﻰ ، ﺋﯘﻻﺭﻧﻰ ﻳﯚﻟﻪﻳﻠﻰ . ﭼﯜﻧﻜﻰ ، ﺋﯘﻻﺭ ﭘﯘﻝ ﺗﺎﭘﻘﺎﻧﺪﯨﻦ ﻛﯧﻴﯩﻦ ھﯧﭻ ﻳﻪﺭﮔﻪ ﻛﻪﺗﻤﻪﻳﺪﯗ ، ﭘﯘﻟﻤﯘ ھﯧﭻ ﻳﻪﺭﮔﻪ ﻛﻪﺗﻤﻪﻳﺪﯗ . ﺑﯘ ﺧﯘﺩﺩﻯ ﻗﻮﻳﻨﯩﻤﯩﺰﺩﯨﻦ ﺗﯚﻛﯜﻟﺴﻪ ﻗﻮﻧﭽﯩﻤﯩﺰﻏﺎ ﺗﯚﻛﯜﻟﮕﯩﻨﯩﮕﻪ ﺋﻮﺧﺸﺎﺵ ﺋﯩﺶ.

ﺑﯩﺰ ﭘﯘﻝ ﺗﯧﭙﯩﺸﯩﻤﯩﺰ ، ﭘﯘﻝ ﺗﺎﭘﻘﺎﻥ ﺑﺎﻳﻠﯩﺮﯨﻤﯩﺰﻧﻰ ﻗﻪﺩﯨﺮﻟﯩﺸﯩﻤﯩﺰ ، ﺋﯘﻻﺭﺩﯨﻦ ﭘﻪﺧﯩﺮﻟﯩﻨﯩﺸﯩﻤﯩﺰ ﻛﯧﺮﻩﻛﻜﻰ ، ﺋﯘﻻﺭﻧﻰ ھﯧﭽﺒﯩﺮ ﺋﺎﺳﺎﺳﺴﯩﺰ ﻗﺎﺭﯨﻠﯩﻤﺎﺳﻠﯩﻘﯩﻤﯩﺰ ، ﺋﯘﻻﺭﻏﺎ ھﻪﺳﻪﺕ ﻗﯩﻠﻤﺎﺳﻠﯩﻘﯩﻤﯩﺰ ﻻﺯﯨﻢ . ﭼﯜﻧﻜﻰ ، ﺋﯘﻻﺭﻧﯩﯔ ﻗﻮﻟﯩﺪﯨﻜﻰ ﭘﯘﻝ ﺑﯩﺰﻧﯩﯖﻤﯘ ﭘﯘﻟﯩﻤﯩﺰ ، ﺑﯩﺰﺩﻩ «ﻗﻮﻟﯘﯓ ﻣﺎﻱ ﺑﻮﻟﺴﺎ ﻗﻮﺷﻨﺎﯕﻐﺎ ﺳﯜﺭﻛﻪ» ﺩﯦﮕﻪﻥ ﮔﻪﭖ ﺑﺎﺭﻏﯘ ؟! ﺋﯘﻻﺭﻧﯩﯔ ﺋﯩﻠﻜﯩﺪﻩ ﭘﯘﻝ ﺑﻮﻟﺴﺎ ، ﺋﯘ ﭘﯘﻟﻼﺭ ﺑﯩﺰﮔﯩﻤﯘ ﻧﯘﺭﻏﯘﻥ ﺗﻪﺭﻩﻗﻘﯩﻴﺎﺗﻼﺭﻧﻰ ﺋﯧﻠﯩﭗ ﻛﯧﻠﯩﺪﯗ ، ﻳﯘﺭﺗﯩﻤﯩﺰﺩﺍ ﺯﺍﯞﯗﺗﻼﺭ ﻗﯘﺭﯗﻟﺴﺎ ، ﺳﺎﻧﺎﺋﻪﺕ ﮔﯜﻟﻠﻪﻧﺴﻪ ﺋﺎﻟﺪﻯ ﺑﯩﻠﻪﻥ ، ﺑﯩﺰ ﺟﯩﺴﻤﺎﻧﯩﻲ ﺋﻪﻣﮕﻪﻙ ھﺎﻟﯩﺘﯩﺪﻩ ﺗﯘﺭﯗﯞﻩﺭﻣﻪﻱ ، ﺑﻪﻟﻜﻰ ﺋﺎﺩﻩﻣﮕﻪ ﺧﺎﺱ ﺋﻪﻗﻠﯩﻲ ﺋﻪﻣﮕﻪﻙ ھﺎﻟﯩﺘﯩﮕﻪ ﺋﯚﺗﻪﻟﻪﻳﻤﯩﺰ ، ﺋﯩﻠﻤﯩﻲ ﺗﯘﺭﻣﯘﺵ ﺷﻪﻛﻠﯩﻨﻰ ﺑﻪﺭﭘﺎ ﻗﯩﻼﻻﻳﻤﯩﺰ . ﺗﻪﺭﻩﻗﻘﯩﻲ ﻗﯩﻠﻐﺎﻥ ﺋﻪﻝ ﺧﻪﻟﻘﻠﯩﺮﯨﺪﻩﻙ ﺋﯩﻨﺴﺎﻧﻠﯩﻖ ﻗﯩﻤﻤﯩﺘﯩﻤﯩﺰﻧﻰ ﺋﺎﺷﯘﺭﺍﻻﻳﻤﯩﺰ .

مەنبە؛ ئۇيغۇر سودىگەرلەر مۇنبىرى