eCosway

ﺭﺍﻙ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﻐﺎﻧﻼﺭﻧﯩﯔ ﺋﯚﻟﯜﭖ ﻛﯧﺘﯩﺶ ﻧﯩﺴﺒﯩﺘﻰ ﻳﯘﻗﯩﺮﻯ ﺑﻮﻟﻐﺎﻧﻠﯩﻘﺘﯩﻦ، ﻧﯘﺭﻏﯘﻥ ﺋﺎﺩﻩﻡ 《ﺭﺍﻙ》 ﺩﯦﮕﻪﻥ ﮔﻪﭘﻨﻰ ﺋﺎﯕﻠﯩﺴﺎ چىرايى ئۆزگىرىپ ﻛﯧﺘﯩﺪﯗ. ﺋﯘﻧﺪﺍﻗﺘﺎ، ﺑﻪﺩﻩﻧﻨﯩﯔ ﻗﺎﻳﺴﻰ ﺟﺎﻳﻠﯩﺮﻯ ﺭﺍﻙ ﻛﯧﺴﯩﻠﯩﮕﻪ ﺋﻪﯓ ﺋﺎﺳﺎﻥ ﮔﯩﺮﯨﭙﺘﺎﺭ ﺑﻮﻟﯩﺪﯗ؟ ﺭﺍﻙ ﻛﯧﺴﯩﻠﯩﺪﯨﻦ ﻧﯘﻗﺘﯩﻠﯩﻖ ﻣﯘﺩﺍﭘﯩﺌﻪ ﻛﯚﺭﯛشكە ياردىمى بولسۇن ئۈچۈن، ﺗﯚﯞﻩﻧﺪﻩ ﺑﻪﺩﻩﻧﺪﯨﻜﻰ ﺋﻪﯓ ﺋﺎﺳﺎﻥ ﺭﺍﻛﻘﺎ ﮔﯩﺮﯨﭙﺘﺎﺭ ﺑﻮﻟﯩﺪﯨﻐﺎﻥ 11 ﺋﻮﺭﯗﻥ ﺋﻮﻣﯘﻣﻼﺷﺘﯘﺭﯗﭖ بايان قىلىندى.
1. ﺋﯚﭘﻜﻪ. ﻣﻪﻳﻠﻰ ﺋﻪﺭﻟﻪﺭﺩﻩ ﻳﺎﻛﻰ ﺋﺎﻳﺎﻟﻼﺭﺩﺍ ﺑﻮﻟﺴﯘﻥ، ﺑﯩﺮﯨﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﯩﻨﻰ ﺋﯚﭘﻜﻪ ﺭﺍﻛﻰ. ﻧﯧﻤﯩﺸﻘﺎ ﺋﯚﭘﻜﻪ ﺷﯘﻧﭽﻪ ﺋﺎﺟﯩﺰ ﺑﻮﻟﯩﺪﯗ؟ ﻧﯚﯞﻩﺗﺘﯩﻜﻰ ﺭﺍﻙ ﭘﻪﻳﺪﺍ ﻗﯩﻠﯩﺪﯨﻐﺎﻥ ﺋﺎﻣﯩﻠﻼﺭﻧﻰ ﺗﻪﮬﻠﯩﻞ ﻗﯩﻠﻐﺎﻧﺪﺍ، ﺋﺎﺳﺎﺳﻠﯩﻘﻰ ﻣﯘﻧﺪﺍﻕ ﺋﯩﻜﻜﻰ ﻧﯘﻗﺘﺎ ﺑﺎﺭ:
ﺑﯩﺮﯨﻨﭽﻰ، ﺗﺎﻣﺎﻛﺎ ﭼﯧﻜﯩﺶ. ﺳﺘﺎﺗﯩﺴﺘﯩﻜﺎ ﻗﯩﻠﯩﻨﯩﺸﯩﭽﻪ، %30 ﺋﯚﺳﻤﯩﻨﯩﯔ ﻗﻮﺯﻏﯩﻠﯩﺸﻰ ﺋﯘﺯﯗﻥ ﻣﯘﺩﺩﻩﺕ ﺗﺎﻣﺎﻛﺎ ﭼﯧﻜﯩﺶ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻥ، ﺑﯘﻧﯩﯔ ﺋﯩﭽﯩﺪﻩ ﻣﯘﻧﺎﺳﯩﯟﯨﺘﻰ ﺋﻪﯓ ﺯﯨﭻ ﺑﻮﻟﻐﯩﻨﻰ ﺩﻩﻝ ﺋﯚﭘﻜﻪ ﺭﺍﻛﻰ ﺋﯩﻜﻪﻥ.
ﺋﯩﻜﻜﯩﻨﭽﻰ، ﻣﯘﮬﯩﺘﻨﯩﯔ ﺑﯘﻟﻐﯩﻨﯩﺸﻰ. ﺋﺎﻻﻗﯩﺪﺍﺭ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﯨﻦ ﺋﺎﻳﺎﻥ ﺑﻮﻟﯘﺷﯩﭽﻪ، ﮬﺎﯞﺍﻧﯩﯔ ﺑﯘﻟﻐﯩﻨﯩﺸﻰ ﺋﯚﭘﻜﻪ ﺭﺍﻛﯩﻨﻰ ﭘﻪﻳﺪﺍ ﻗﯩﻠﯩﺪﯨﻐﺎﻥ ﺳﻪﯞﻩﺑﻠﻪﺭﻧﯩﯔ ﺑﯩﺮﻯ ﺋﯩﻜﻪﻥ. ﻣﯘﮬﯩﺖ ﺑﯘﻟﻐﯩﻨﯩﺸﻨﯩﯔ ﻛﯩﺸﯩﻠﻪﺭﻧﯩﯔ ﺋﯚﭘﻜﯩﺴﯩﮕﻪ ﺑﻮﻟﻐﺎﻥ ﺯﯨﻴﯩﻨﻰ ﺗﺎﻣﺎﻛﺎ ﭼﯧﻜﯩﺸﺘﯩﻦ ﻗﯩﻠﯩﺸﻤﺎﻳﺪﯗ.

2. ﺳﯜﺕ ﺑﯧﺰﻯ. ﺳﯜﺕ ﺑﯧﺰﻯ ﺭﺍﻛﻰ ﺩﯗﻧﻴﺎ ﺑﻮﻳﯩﭽﻪ ﺋﺎﻳﺎﻟﻼﺭﺩﺍ ﺋﻪﯓ ﻛﯚﭖ ﻛﯚﺭﯛﻟﯩﺪﯨﻐﺎﻥ ﺭﺍﻙ ﻛﯧﺴﯩﻠﻰ. ﺑﯘ ﻛﯧﺴﻪﻟﻨﻰ ﭘﻪﻳﺪﺍ ﻗﯩﻠﯩﺪﯨﻐﺎﻥ ﺋﺎﻣﯩﻠﻼﺭ ﺋﺎﺳﺎﺳﻠﯩﻘﻰ: ﻳﺎﻏﻠﯩﻖ، ﺋﯩﺴﺴﯩﻘﻠﯩﻖ ﺗﻪﺭﻛﯩﺒﻰ ﻳﯘﻗﯩﺮﻯ ﻳﯧﻤﻪﻛﻠﯩﻜﻠﻪﺭﻧﻰ ﺋﯩﺴﺘﯧﻤﺎﻝ ﻗﯩﻠﯩﺶ، ﺭﻭﮬﯩﻲ ﺑﯧﺴﯩﻢ ﺋﯧﻐﯩﺮ ﺑﻮﻟﯘﺵ، ﻛﯧﭽﯩﻜﯩﭗ ﺗﻮﻱ ﻗﯩﻠﯩﭗ، ﻛﯧﭽﯩﻜﯩﭗ ﭘﻪﺭﺯﻩﻧﺘﻠﯩﻚ ﺑﻮﻟﯘﺵ ﻗﺎﺗﺎﺭﻟﯩﻘﻼﺭ.

3. ﺋﺎﺷﻘﺎﺯﺍﻥ. ﺗﯘﺯ، ﺗﯘﺯﻻﻧﻐﺎﻥ ﻳﯧﻤﻪﻛﻠﯩﻚ، ﻗﯩﺰﯨﻠﻤﯘﭺ، ﭘﯩﺸﺸﯩﻘﻼﻧﻐﺎﻥ ﺗﯜﺭﻟﯜﻙ ﮔﯚﺵ، ﺳﯜﺭﻟﻪﻧﮕﻪﻥ ﻳﯧﻤﻪﻛﻠﯩﻚ، ﺋﻮﺗﻘﺎ ﻗﺎﻗﻼﭖ ﭘﯩﺸﯘﺭﯗﻟﻐﺎﻥ ﮬﺎﻳﯟﺍﻧﺎﺕ ﮔﯚﺷﻰ ﻗﺎﺗﺎﺭﻟﯩﻘﻼﺭ ﺋﺎﺷﻘﺎﺯﺍﻥ ﺭﺍﻛﯩﻨﯩﯔ ﭘﻪﻳﺪﺍ ﺑﻮﻟﯘﺷﯩﺪﯨﻜﻰ ﺳﻪﯞﻩﺏ. ﺑﯘﻧﯩﯖﺪﯨﻦ ﺳﯩﺮﺕ، ﺋﺎﺷﻘﺎﺯﺍﻥ ﺷﯩﻠﻠﯩﻖ ﭘﻪﺭﺩﯨﺴﯩﻨﯩﯔ ﺋﯚﺯﮔﯩﺮﯨﺸﻰ ﯞﻩ ﻳﯩﮕﯩﻠﻪﺵ ﺧﺎﺭﺍﻛﺘﯧﺮﻟﯩﻖ ﺋﺎﺷﻘﺎﺯﺍﻥ ﻳﺎﻟﻠﯘﻏﯩﻤﯘ ﺋﺎﺷﻘﺎﺯﺍﻥ ﺭﺍﻛﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.
ﺑﯘﻧﺪﯨﻦ ﺑﺎﺷﻘﺎ، 《ﺋﻮﺭﺗﺎﻕ ﻏﯩﺰﺍﻟﯩﻨﯩﺶ》ﻣﯘ ﺋﺎﺷﻘﺎﺯﺍﻥ ﺭﺍﻛﯩﻨﯩﯔ ﺑﯩﯟﺍﺳﺘﻪ ﺳﻪﯞﻩﺑﭽﯩﺴﻰ ___ ﺋﺎﺷﻘﺎﺯﺍﻥ ﭼﯩﻘﯩﺶ ﺋﯧﻐﯩﺰﻯ ﺳﭙﯩﺮﺍﻝ ﺗﺎﻳﺎﻗﭽﻪ ﺑﺎﻛﺘﯧﺮﯨﻴﯩﺴﯩﻨﯩﯔ ﺗﺎﺭﻗﯩﻠﯩﺶ ﭘﯘﺭﺳﯩﺘﯩﻨﻰ ﻛﯚﭘﻪﻳﺘﯩﯟﯦﺘﯩﺪﯗ. ﺷﯘﯕﺎ، ﮬﻪﺗﺘﺎ ﺑﻪﺯﯨﻠﻪﺭ ﺋﺎﺷﻘﺎﺯﺍﻥ ﺭﺍﻛﯩﻨﻰ ﻳﯘﻗﯘﻣﻠﯘﻕ ﻛﯧﺴﻪﻝ ﻗﺎﺗﺎﺭﯨﻐﺎ ﻗﻮﻳﯩﺪﯗ.

4. ﺟﯩﮕﻪﺭ. ﮬﺎﺯﯨﺮ  ﺑﻪﺯﻯ ﺩﻩﻟﯩﻞ-ﺋﯩﺴﭙﺎﺗﻼﺭ b ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﯞﯨﺮﯗﺳﻰ، ﺋﺎﻓﻼﺗﻮﻛﺴﯩﻨﺪﯨﻦ ﺑﯘﻟﻐﺎﻧﻐﺎﻥ ﺩﺍﻧﻠﯩﻖ ﺯﯨﺮﺍﺋﻪﺕ ﯞﻩ ﭘﯘﺭﭼﺎﻕ ﺗﯜﺭﯨﺪﯨﻜﻰ ﻳﯧﻤﻪﻛﻠﯩﻜﻠﻪﺭﻧﻰ ﺋﯩﺴﺘﯧﻤﺎﻝ ﻗﯩﻠﯩﺶ، ﺷﯘﻧﺪﺍﻗﻼ ﺋﯘﺯﺍﻕ ﻣﯘﺩﺩﻩﺕ ﮬﺎﺭﺍﻕ ﺋﯧﭽﯩﺶ ﻗﺎﺗﺎﺭﻟﯩﻘﻼﺭﻧﯩﯔ ﺟﯩﮕﻪﺭ ﺭﺍﻛﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﺑﯩﯟﺍﺳﺘﻪ ﺳﻪﯞﻩﺏ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ ﺑﻪﺭﺩﻯ.

5. ﻗﯩﺰﯨﻠﺌﯚﯕﮕﻪﭺ. ﻗﯩﺰﯨﻠﺌﯚﯕﮕﻪﭺ ﺭﺍﻛﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﺋﺎﺳﺎﺳﻠﯩﻖ ﺳﻪﯞﻩﺏ ﻗﯩﺰﯨﻖ ﻳﯧﻤﻪﻙ-ﺋﯩﭽﻤﻪﻛﻠﯩﻜﻠﻪﺭﻧﻰ ﺋﯩﺴﺘﯧﻤﺎﻝ ﻗﯩﻠﯩﺸﻘﺎ ﺋﺎﻣﺮﺍﻕ ﺑﻮﻟﯘﺵ، ﻣﻪﺳﯩﻠﻪﻥ: ﺩﺍﺋﯩﻢ ﻗﯩﺰﯨﻖ ﭼﺎﻱ ﺋﯩﭽﯩﺶ ﻗﺎﺗﺎﺭﻟﯩﻘﻼﺭ. ﺑﯘﻧﺪﯨﻦ ﺑﺎﺷﻘﺎ، ﺗﺎﻣﺎﻛﺎ ﭼﯧﻜﯩﺶ، ﺳﯧﻤﯩﺰﻟﯩﻚ، ﭘﯩﺸﺸﯩﻘﻼﻧﻐﺎﻥ ﮔﯚﺷﻠﻪﺭﻧﻰ ﻳﯧﻴﯩﺶ ﻗﺎﺗﺎﺭﻟﯩﻖ ﺋﺎﻣﯩﻠﻼﺭ ﻗﯩﺰﯨﻠﺌﯚﯕﮕﻪﭺ ﺭﺍﻛﯩﻨﻰ ﺑﯩﯟﺍﺳﺘﻪ ﭘﻪﻳﺪﺍ ﻗﯩﻠﻐﯘﭼﻰ ﺳﻪﯞﻩﺑﻠﻪﺭﺩﯗﺭ. ﺋﺎﺷﻘﺎﺯﺍﻥ ﻛﯩﺴﻼﺗﺎﺳﯩﻨﯩﯔ ﺗﻪﺗﯜﺭ ﺋﯧﻘﯩﺸﯩﻤﯘ ﻗﯩﺰﯨﻠﺌﯚﯕﮕﻪﭺ ﺭﺍﻛﯩﻨﻰ ﻛﯚﭘﻪﻳﺘﯩﺪﯨﻐﺎﻥ ﺧﻪﺗﻪﺭﻟﯩﻚ ﺋﺎﻣﯩﻠﺪﯗﺭ.

6. ﭼﻮﯓ ﺋﯜﭼﻪﻱ. ﻗﯩﺰﯨﻞ ﮔﯚﺵ،  ﻛﯚﭖ ﻣﯩﻘﺪﺍﺭﺩﺍ ﮬﺎﺭﺍﻕ ﺋﯧﭽﯩﺶ (ﭘﻪﻗﻪﺕ ﺋﻪﺭﻟﻪﺭﻧﯩﻼ ﻛﯚﺭﺳﯩﺘﯩﺪﯗ)، ﻳﯘﻗﯩﺮﻯ ﺗﯧﻤﭙﯧﺮﺍﺗﯘﺭﯨﻠﯩﻖ ﻣﺎﻳﺪﺍ ﭘﯩﺸﯘﺭﯗﻟﻐﺎﻥ ﻳﯧﻤﻪﻛﻠﯩﻚ، ﺩﺍﺋﯩﻢ ﺗﻪﺭﻩﺗﻨﻰ ﻗﯩﺴﯩﺶ ﻗﺎﺗﺎﺭﻟﯩﻘﻼﺭﻧﯩﯔ ﮬﻪﻣﻤﯩﺴﻰ ﭼﻮﯓ ﺋﯜﭼﻪﻱ ﺭﺍﻛﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﻰ ﻣﯜﻣﻜﯩﻦ. ﺑﯘﻧﺪﯨﻦ ﺑﺎﺷﻘﺎ، ﻳﺎﻟﻠﯘﻍ ﺧﺎﺭﺍﻛﺘﯧﺮﻟﯩﻖ ﺋﯜﭼﻪﻱ ﻛﯧﺴﯩﻠﯩﻤﯘ ﺑﻮﻏﻤﺎﻕ ﺋﯜﭼﻪﻱ ﺭﺍﻛﯩﻨﯩﯔ ﺧﻪﯞﭘﯩﻨﻰ ﺋﺎﺷﯘﺭﯗﯞﯦﺘﯩﺪﯗ.
7. ﺩﻭﯞﺳﺎﻕ. ﺗﻪﺗﻘﯩﻘﺎﺗﻼﺭﺩﯨﻦ ﺋﺎﻳﺎﻥ ﺑﻮﻟﯘﺷﯩﭽﻪ، ﺋﯩﭽﯩﻤﻠﯩﻚ ﺳﯘ ﺗﻪﺭﻛﯩﺒﯩﺪﯨﻜﻰ ﺋﺎﺭﺳﯧﻦ ﺩﻭﯞﺳﺎﻕ ﺭﺍﻛﯩﻨﯩﯔ ﭘﻪﻳﺪﺍ ﺑﻮﻟﯘﺷﯩﺪﯨﻜﻰ ﺳﻪﯞﻩﺑﻠﻪﺭﻧﯩﯔ ﺑﯩﺮﻯ ﺋﯩﻜﻪﻥ. ﺋﯘﻧﺪﯨﻦ ﺑﺎﺷﻘﺎ، ﺩﺍﺋﯩﻢ ﻛﯩﭽﯩﻚ ﺗﻪﺭﻩﺗﻨﻰ ﻗﯩﺴﯩﺸﻤﯘ ﺑﯘ ﻛﯧﺴﻪﻟﻨﯩﯔ ﻳﯜﺯ ﺑﯧﺮﯨﺶ ﺧﻪﯞﭘﯩﻨﻰ ﺋﺎﺷﯘﺭﯗﯞﯦﺘﯩﺪﯨﻜﻪﻥ.

8. ﺋﺎﺷﻘﺎﺯﺍﻥ ﺋﺎﺳﺘﻰ ﺑﯧﺰﻯ. ﺋﺎﺷﻘﺎﺯﺍﻥ ﺋﺎﺳﺘﻰ ﺑﯧﺰﻯ ﺭﺍﻛﻰ ﺭﺍﻙ ﻛﯧﺴﯩﻠﻰ ﺋﯩﭽﯩﺪﯨﻜﻰ 《ﺩﯙﻟﻪﺗﻤﻪﻧﻠﻪﺭ ﻛﯧﺴﯩﻠﻰ》ﻧﯩﯔ ﯞﻩﻛﯩﻠﻰ، ﺳﯧﻤﯩﺰﻟﯩﻚ ﯞﻩ ﺩﯨﺌﺎﺑﯩﺖ ﻛﯧﺴﯩﻠﻰ ﺑﯘ ﻛﯧﺴﻪﻟﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.
 

9. ﻟﯩﻤﻔﺎ. ﻟﯩﻤﻔﺎ ﯞﻩ ﻗﺎﻥ ﮬﺎﺳﯩﻞ ﻗﯩﻠﯩﺶ ﺳﯩﺴﺘﯧﻤﯩﺴﯩﺪﯨﻜﻰ ﺭﺍﻙ ﻛﯧﺴﯩﻠﻰ ﺋﺎﺳﺎﺳﻠﯩﻘﻰ ﻟﯩﻤﻔﺎ ﺋﯚﺳﻤﯩﺴﻰ، ﺋﺎﻕ ﻗﺎﻥ ﻛﯧﺴﯩﻠﻰ ﯞﻩ ﻛﯚﭖ ﻗﻮﺯﻏﯩﻠﯩﺪﯨﻐﺎﻥ ﻳﯘﻟﯘﻥ ﺋﯚﺳﻤﯩﺴﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﻣﯘﮬﯩﺘﻨﯩﯔ ﺑﯘﻟﻐﯩﻨﯩﺸﻰ، ﯞﯨﺮﯗﺳﺘﯩﻦ ﻳﯘﻗﯘﻣﻠﯩﻨﯩﺶ ﯞﻩ ﺳﯧﻤﯩﺰﻟﯩﻚ ﺑﯘ ﻛﯧﺴﻪﻟﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﺳﻪﯞﻩﺑﻠﻪﺭﺩﯗﺭ.
 

10. ﺑﯚﺭﻩﻙ. ﺑﻪﺩﻩﻧﻨﯩﯔ ﺳﯧﻤﯩﺰﻟﯩﻚ ﺩﻩﺭﯨﺠﯩﺴﻰ، ﺋﯩﭽﯩﻤﻠﯩﻚ ﺳﯘ ﺗﻪﺭﻛﯩﺒﯩﺪﯨﻜﻰ ﺋﺎﺭﺳﯧﻦ ﻣﯩﻘﺪﺍﺭﻯ ﯞﻩ ﺗﺎﻣﺎﻛﺎ ﭼﯧﻜﯩﺸﺘﯩﻦ ﺋﯩﺒﺎﺭﻩﺕ ﺋﯜﭺ ﺋﺎﻣﯩﻞ ﺑﯚﺭﻩﻙ ﺭﺍﻛﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.

11. ﺗﯘﺧﯘﻣﺪﺍﻥ. ﺗﯘﺧﯘﻣﺪﺍﻥ ﺭﺍﻛﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﺳﻪﯞﻩﺑﻠﻪﺭ ﻛﯚﭖ ﺗﻪﺭﻩﭘﻠﯩﻤﯩﻠﯩﻚ، ﻣﻪﺳﯩﻠﻪﻥ ﺋﯘﺧﻠﯩﻤﺎﻱ ﺗﺎﯓ ﺋﺎﺗﻘﯘﺯﯗﺷﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺋﯩﭽﻜﻰ ﺋﺎﺟﺮﺍﺗﻤﺎ ﻗﺎﻻﻳﻤﯩﻘﺎﻧﻠﯩﺸﯩﺶ، ﺟﯩﻨﺴﯩﻲ ﺗﯘﺭﻣﯘﺷﻨﻰ ﺑﻪﻙ ﺑﺎﻟﺪﯗﺭ ﺑﺎﺷﻼﺵ ﻗﺎﺗﺎﺭﻟﯩﻘﻼﺭ.

مەنبە؛ مىسرانىم تورى