يىقىلدىم دەپ ئويلىساڭ گەر يىقىلغىنىڭ شۇ ئۆزى، جۈرىتىم يوق دېسەڭ ئەگەر مەھكۇم ئۆزىڭ شۇ ھامان. تەشنا بولساڭ غەلبىگە تەڭدىشىڭ يوق جاھاندا، شۇنى بىلگىن ئۇ غەلبە ساڭا ھەمراھ ھەر زامان.
ئۇتتۇردۇم دەپ ئويلىساڭ سەن ئۇتتۇرغىنىڭ شۇ ئۆزى، سالساڭ نەزەر دۇنياغا گەر ئايان بولور كۆزىڭگە. ئىرادىنىڭ ساھىبلىرى غالىپ ئىكەن ھەر مىنۇت، كەچمىشلىرىڭ خۇي-پەيلىڭدىن ھەممە باغلىق ئۆزۈڭگە.
ئوزغۇن بىلسەڭ سەن ئۆزىڭنى پەرۋازلىرىڭ سامادا، لىكىن غايە بولسۇن ھەمدەم مەنزىلىڭگە يەتكۈچە. ئۆز-ئۆزىڭگە ئىشەنسەڭ ھەم سىرداش بىلسەڭ ئۆزۈڭنى، نۇسرەت قۇچاق ئېچىپ شۇندا سۆيەر سېنى قانغۇچە.
ھايات ئۇ بىر بەيگىدۇر ھەم ۋاڭ-چۇڭى يوق دائىما، ھايات قۇيۇن، ھايات قىيان، قۇلاق سالغىن سۆزىمگە. بېلىڭ يەشمە، يېشىڭ تۆكمە مۇشەققەتلەر ئەزسىمۇ، ئەڭ ئاداققى نۇسرەت تەۋە شۇندا شەكسىز ئۆزۈڭگە.
مەنبە؛ بېيىش ئۈچۈن ئىزدىنىڭ. |